Foto cedida por Fairtrade
Produktu
Kakaoa
Herri
BOLI KOSTA
Kooperatiba
Coopérative Agricole Unité de Divo, CAUD
Izena
YVONNE AMENAN YAO

Kooperatibaren deskribapena

2004an sortua, CAUD sozietate kooperatiboaren xedea herrialdeko landaguneetan pobreziaren aurka egitea da. Hasieran 200 kide zituen, eta gaur egun 1399 ekoizle, 1278 gizon eta 121 emakume. Zuzendaritza 7 kidek osatzen dute, haien artean 3 emakumek.

Fairtrade ordainsariak ahalbidetu du Kooperatibak hainbat gizarte proiektu bultzatu ahal izatea:

  • Komunak dituen lehen mailako ikastetxea eraikitzea.
  • Herrixkan ponpa hidraulikoa eraikitzea.
  • Biltegiratze biltegi nagusia eraikitzea.

Gainera, emakumeen lidergo eta gazte inklusio eskolak dauzka.

Lekukotasuna

Yvonne Amenan Yao 2017an hasi zen CAUDen; gaur egun, haren komunitatean kooperatiba ordezkatzen du eta Afrikako Emakumeen Lidergo Eskola Fairtraden graduatu berri da.

Kakao ekoizle gisa bizitzea ez dela bat ere erraza baieztatzen du, bidezko merkataritzari esker baldintza hobeak dituzten arren.  «Fairtraden laguntzari esker, nire familiaz arduratu naiteke, etxearentzako gauzak erosi, nire senarraren gastu medikuak ordaindu, seme-alabak eskolara eraman eta eguneroko langileei ordaindu. Aurrekontuen kudeaketarako trebakuntzak baserria ondo zaintzea ahalbidetzen dit: gutxienez, diru sarreren erdia baserrira edo mantentze lanetara bideratzen dut».

Kooperatibaren ordezkari gisa, beste pertsona batzuk kooperatiban sartzera animatzeaz arduratzen da. Horrez gain, herrixkan bizi diren kooperatibako kide guztientzat erosketak, biltegiak eta horniketa kudeatzeaz arduratzen da.  Herrixken Mailegu eta Aurrezkien Elkarteko kide ere bada, non emakumeek baliabideak biltzen dituzten elkarri laguntzeko.

Emakumeen Lidergo Eskolan graduatzeak «berekin ekartzen du alboko herrixkei trebakuntza saioak antolatzen lagundu diezaiekedala eta beste emakumeei kooperatibako kide izatera animatu. Orobat, kooperatiban zein komunitateetan genero gaiak jorratzeko aukera handia da».

Alargun geratzen diren emakumeek lurrak galtzea haren kexka nagusien artean dago. «Alargun eta umezurtz ugari dauzkagu komunitatean, eta haien familiez arduratzeko ekimen bat martxan jartzea gustatuko litzaidake. Alargunentzat bereziki zaila da lanak landu ahal izatea. Senarra hiltzean, bere familiari itzultzen zaizkio ondasun guztiak eta ez emazteari. Hori aldatzea gustatuko litzaidake. Emakume horiei lagundu nahi diet. Errealitatea izan dadin, ez ametsa soilik».

Utzi erantzuna

Zure e-posta helbidea ez da argitaratuko. Beharrezko eremuak * markatuta daude